FERA - 25.04.2025 அன்றைய ஒரு மணி நேர ஆர்பாட்டம்

FERA - 25.04.2025 அன்றைய ஒரு மணி நேர ஆர்பாட்டம் 

• FERA - வருவாய்த்துறை சங்கங்களின் கூட்டமைப்பு - 25.4.2025 வரலாற்று சிறப்பு மிக்க முதல் போராட்டம் மாபெரும் வெற்றி - பங்கு கொண்ட அனைவருக்கும் வாழ்த்துகள் - களப்பணி ஆற்றிய மாவட்ட & வட்ட ஒருங்கிணைப்பாளர்களுக்கு பாராட்டுக்கள்:

• வருவாய்த்துறை சங்கங்களின் கூட்டமைப்பின் மாநில உயர்மட்ட குழு கூட்ட முடிவின்படி வருவாய்த்துறை அலுவலர்களின் எட்டு அம்ச வாழ்வாதாரக் கோரிக்கைகளை வலியுறுத்தி இன்று (25.4.2025) மாலை நடைபெற்ற மாநிலம் தழுவிய ஒரு மணி நேரம் வெளிநடப்பு மற்றும் அனைத்து மாவட்ட/ வட்டக் கிளை ஆர்ப்பாட்டம் வெகு சிறப்பாக நடைபெற்று உள்ளது.

• முதல் இயக்கத்திலேயே மாவட்டம் தோறும் பல்லாயிரக்கணக்கான வருவாய்த்துறை அலுவலர்கள் உணர்வுபூர்வமாக ஒற்றுமையோடு பங்கு கொண்டது மாநில முழுவதும் அதிர்வலைகளை ஏற்படுத்தியுள்ளது.

• 38 மாவட்டம் மற்றும் 317 வட்டக் கிளைகளில் நடைபெற்ற ஆர்ப்பாட்டம் மாபெரும் வெற்றி பெற்றுள்ளதால், நமது கூட்டமைப்பின் கோரிக்கைகள் வலுப்பெற்றுள்ளன.

• அனைத்து நிலை அலுவலர்களின் பங்களிப்பு நிச்சயம் அனைத்து கோரிக்கைகளையும் விரைவில் வென்றெடுக்கும்.

• இப்போராட்டத்தில் நம்பிக்கையோடு பங்குகொண்ட அனைத்து வருவாய்த்துறை சொந்தங்களுக்கு வாழ்த்துக்களையும், கடந்த சில நாட்களாக அயராது களப்பணி ஆற்றிய அனைத்து மாவட்ட & வட்ட ஒருங்கிணைப்பாளர்கள், முன்னணி ஊழியர்களுக்கு FERA மாநில அமைப்பின் சார்பில் பாராட்டுக்களை தெரிவித்துக் கொள்கிறோம்.

• இப்போராட்டம் வரலாற்றில் இடம்பெறும் என்பது உறுதி!
• அடுத்த கட்ட நகர்வுகளுக்கு விரைவில் திட்டமிடுவோம்!
• வெற்றி பெறுவோம்!

புரட்சி வாழ்த்துகளுடன்...

மாநில அமைப்பு, 
வருவாய்த்துறை சங்கங்களின் கூட்டமைப்பு (FERA). 

மற்றும்

மாவட்ட மையம்,

வருவாய்த்துறை சங்கங்களின் கூட்டமைப்பு (FERA). 

சிவகங்கை. 

💐💐💐💐💐💐💐

✊🏼✊🏼✊🏼✊🏼✊🏼✊🏼✊🏼✊🏼

FERA - The Force!

FERA  - The Fire!

🔥🔥🔥🔥🔥🔥🔥🔥